Tuesday, June 26, 2012

ਸ਼ਬਦਾਂ ਦੇ ਮਿਰਗ ਹਫਦੇ ਰਹੇ
ਜਲ ਦੀ ਤਰੰਗ ਹਟਦੀ ਰਹੀ 
ਰੋਸ਼ਨੀ ਦੀ ਜੂਹ ਤਕ
ਪਹੁੰਚ ਨਾ ਜਦ ਹੋ ਸਕੀ 
ਨ੍ਹੇਰੇ ਸ਼ਬਦ ਹਫਦੇ ਰਹੇ 
ਰੋਸ਼ਨੀ ਪਿਛਾਂ ਹਟਦੀ ਰਹੀ 
ਕਸਤੂਰੀ ਸੀ ਕੈਦ ਜਿਸਮ ਵਿਚ 
ਹਵਾਵਾਂ 'ਚ ਸੀ ਖੁਸ਼ਬੂ ਭਰੀ 
ਸ਼ਬਦਾਂ ਦੇ ਮਿਰਗ ਹਫਦੇ ਰਹੇ 
ਖੁਸ਼ਬੂ ਅਗਾਂਹ ਵਧਦੀ ਰਹੀ 
ਸ਼ਬਦਾਂ ਨੂੰ ਲੋਚਾ ਸ਼ਬਦ ਦੀ
ਸ਼ਬਦਾਂ 'ਚ ਸੀ ਸ਼ਾਇਰੀ ਭਰੀ
ਸ਼ੇਅਰਾਂ ਨੂੰ ਸ਼ੇਅਰ ਮਿਲਦੇ ਰਹੇ
ਸ਼ਾਇਰੀ ਪਿਛਾਂ ਹਟਦੀ ਰਹੀ
ਸੇਹਰਾ ਚ ਸੰਗਸਾਰ ਪਏ
ਸ਼ਬਦਾਂ ਦੇ ਪਿਆਸੇ ਮਿਰਗ
ਰੋਸ਼ਨੀ, ਖੁਸ਼ਬੂ, ਸ਼ਾਇਰੀ
ਬਸ ਮਰਸੀਏ ਪੜਦੀ ਰਹੀ

No comments:

Post a Comment