Wednesday, June 27, 2012


                                                                                                                                                                                                                                                                                                                                                                                                                                                                                                                         دوستو، یہ خوبصورت نظم جناب اکرم خان صاحب کی ہے،جو ہمیں ہمارے عزیز دوست 
قمر از زمان صاحب نے بھیجی ہے -پڑھئیے اور لطف اٹھائے -

  • حسیں سوچیں
    جوان جذبے
    مۂ فروزاں
    دھنک ستارے
    گلاب و خوشبو شادمانی
    یہ عکس سارے
    کسی نے مجھکو
    کچھ اس ادا سے دکھا دیے ہیں
    کہ میری بے برگو بار دنیا
    مہک اٹھی ہے
    بہت ہی تیرہ و تار دنیا
    چمک اٹھی ہے
    وہ میری بے برگو بار دنیا
    بڑی ہی تیرہ و تار دنیا
    کہ جس میں ہر سو
    اداسیاں ہی اداسیاں تھیں
    کہ جسکی قسمت کے چاند تارے
    ازل سے پہلے ہی بجھ چکے تھے
    وہ جس کی ایک اک روش کے اوپر
    حسیں امیدوں کے ننھے پودے
    جوان ہونے سے پیشتر ہی
    قیامتوں جیسے موسموں سے
    تڑپ تڑپ کر نبھا رہے تھے
    اور انکی شاخوں سے زرد پتے
    قریب ہی تھا کہ گرنے لگتے

    کہ وہ مسیحا حیات بن کر
    خزاں رسیدہ چمن میں آیا
    کہ جیسے جھونکا ہو جاں فزا سا
    اور اس نے دکھ کی اندھیری شب میں
    اداس دل کو
    حسیں سوچوں
    جوان جذبوں
    چمکتے تاروں
    مۂ فروزاں
    گلاب خوشبوو شادمانی کا عکس رنگیں دکھا دیا ہے
    اور اب تو میرے جوان جذبے لپک کے پا لیں گے

    چاند تارے، گلاب و خوشبو شادمانی

    (اکرم خاں)

No comments:

Post a Comment