Monday, December 17, 2012


Purani Gazal: 
"कब कहाँ ओर किओं किनारा क्र लिया एई जिंदगी, हम तो कभी धुप से खफा नहीं हूए 
 किस्सा तमाम हो गिया किओं मेरी वफा का आज, हम तो कभी सनम से जुदा नहीं हूए 
 हस्ती  मेरी आज़ाद है गुलामी नहीं सही, कफस आशना दिल कभी वापस नहीं हूए 
 ओराक़े हयात पी गए सारी सिआही  इस तरह, जैसे कभी वुह हम से वाबस्ता नहीं हूए 
 श्र्मिन्दाए ताबीर गर खाब न हुए तो किया, जिंदगी से हम कभी शर्मिंदा नहीं हूए 
 'नासर' हवाएं तुन्दखु चलती रहीं सदा, पत्थर बने हम कुछ इस तरह कि हवा नहीं हूए 
                                                                                                     "Naasar"
16-12-2012
Ik Shear:-
Qalm ki zubaan jo mili lb khomosh rhe mere,
moonh-zor alfaaz ki murtein ronen lgeen
                                                            "Naasar"



Wednesday, November 21, 2012

ਕਾਲੀ ਬਦਲੋਟੀ- ਕਿਨ੍ਮਿਨ 
ਸਰਦ ਸਵੇਰ ਦੀ ਧੁੱਪੇ 
ਵਿਆਹ ਗਿਦੜੀ ਦਾ 

Tuesday, November 13, 2012

ਸਬਰ ਸਬੂਰੀ ਦੀ ਧਰਤੀ ਵਿਚ 
ਬੀ ਪੀੜਾਂ ਦਾ ਬੋਇਆ ਮੈਂ 
ਅਮਰ ਫਲ ਆਨੰਦ ਦਾ ਲਗਾ 
ਖਾ ਖਾ ਖੀਵਾ ਹੋਇਆ ਮੈਂ 

Monday, November 5, 2012

Qamar UZ zamman ke naam

ਮਿੱਟੀ ਅੰਦਰ ਮਿੱਟੀ ਹਿਮਤ ਢਾਲ ਰਹੀ
ਨ੍ਹੇਰੇ ਹੁਜਰੇ ਅੰਦਰ ਦੀਵਾ ਬਾਲ ਰਹੀ 
ਇਸ ਰਿਸ਼ਤੇ ਨੂੰ ਦੱਸੋ ਕਿਹੜਾ ਨਾਮ ਦਿਆਂ
ਮਿੱਟੀ ਦੇ ਵਿਚ ਮਿੱਟੀ ਮੁਹਬਤ ਭਾਲ ਰਹੀ
ਮਿੱਟੀ ਮਹਿਲ, ਕੋਟ, ਫ੍ਸੀਲਾਂ, ਕਬਰਾਂ
ਮਿੱਟੀ ਅੰਦਰ ਮਿੱਟੀ ਖੁਦ ਨੂੰ ਗਾਲ ਰਹੀ
ਕਿਸ ਖੂਹੇ ਦਾ ਪਾਣੀ ਆਂਦਾ, ਕਿਥੋਂ ਆਂਦੀ ਮਿੱਟੀ
ਚਕ ਚੜੀ ਕਿਓਂ 'ਸੋਹਨੀ' ਮਿੱਟੀ ਢਾਲ ਰਹੀ
ਯਖ ਹੋ ਗਿਆ ਜਦ ਤੋਂ ਜਾਨੀ ਇਸ਼ਕ ਤੇਰਾ
ਰਾਖ ਫੋਲ ਕੇ ਨਿਘ ਕਿਹੜਾ ਮੈਂ ਭਾਲ ਰਹੀ 
ਰਾਖ ਰ੍ਮਾਈ' ਮਿੱਟੀ ਹੋਇਆ 'ਨਾਸਰ' ਫਿਰਦਾ
ਠੰਡੇ ਸਿਵੇ 'ਚ ਫੁੱਲ ਕਿਹੜਾ ਹੁਣ ਭਾਲ ਰਹੀ

Thursday, October 18, 2012

ਉਤਰੀ 
ਹਰੀ ਕਚੂਰ ਗਲੋ ਦੀ ਟਾਹਣੀ 
ਤਰੇਲੀ ਕਿਰਨ ਪਲੇਠੀ

Wednesday, September 19, 2012


                          ਬੰਜਾਰੇ 
ਮੁਹਬਤ  ਕੇ  ਬੰਜਾਰੇ  ਆਏ , ਦੁਕਾਨ  ਉਠਾਈ  ਚਲੇ  ਗਏ
ਦਰਵਾਜ਼ੇ  ਪੈ ਤਾਲਾ  ਦੇਖਾ , ਰੋਏ  ਹਮ  ਨਾਦਾਨੀ  ਮੇਂ 
ਮੀਠੇ ਸੁਰ ਥੇ ਹਾਂਕ ਕੇ  ਉਨ੍ਕੀ, ਸੋਜ਼ ਬੜਾ ਥਾ ਬਾਨੀ ਮੇਂ 
ਲਫ਼ਜ਼-ਕਾਨੀਆਂ ਜਿਗਰ ਬੀਂਧਤਈ', ਮੋਤੀ ਆਂਖ ਕੇ ਪਾਣੀ ਮੇਂ 
ਕਿਆ ਸਮਝਾ ਥਾ ਹਮ ਨੇ ਉਨਕੋ, ਕਿਆ ਵੁਹ ਹਮ ਕੋ ਸਮਝ ਗਏ !
ਉਲਝੀ ਐਸੀ ਫਿਰ ਨਾ ਸੁਲਝੀ , ਗਾਂਠ ਪੜ ਗਈ ਤਾਣੀ  ਮੇਂ 
ਅਗਲੇ ਸਾਵਨ ਜਬ ਫਿਰ ਆਏੰ , ਆਗ ਲਗਾਨੇ ਪਾਣੀ  ਮੇਂ-
ਹਮ ਨਾ  ਮਿਲੇਂ ਗੇ , ਵੁਹ ਢੂੰਡੇ ਗੇ ------------------------   
ਹਾਥ ਮਲੇਂਗੇ ਲੋਟ ਜਾਏਂਗੇ ਗਲਤੀ ਕਰ ਨਾਦਾਨੀ ਮੇਂ 

Albert Einstein hi tha shayad vuh jis ne yeh kaha:
Kisi ke taaluk se hi kisi shai ka vajood hai:-
Andheri raat hai to roshan din ka vajood hai--
Jhooth zaahir hai to yqeenan Sach ka vajood hai—
Husan-e-surat-o-seerat hai agar to ishk ka vajood hai—
Havvaa hai agar kaheen to Adam ka vajood hai—
Shaitaan naheen to KHUDA bhi naheen kaheen—
KHUDA naheen gr, Shaitaan bhi naheen kaheen—
Shaitaan ki nisbat se hi KHUD KHUDA ka vajood hai---
Tum ho to Hum hain, Hum naheen to Tum naheen-
NAHEEN ki nisbat se hi bass HAAN ka vajood hai---I
                                                      ‘Naasar’—10/9/2011

Tuesday, September 18, 2012

Monday, September 17, 2012


early morn drizzle
white- bristled lizard
sprints up the plum 

Sunday, September 16, 2012


غزل 
کب کہاں اور کیوں کنارہ کر لیا اے زندگی 
ہم تو کبھی دھوپ سے خفا نہیں ہوئے 
قصہ تمام ہو گیا کیوں میری وفا کا آج 
ہم تو کبھی صنم سے جدا نہیں ہوئے 
بستی میری آزاد ہے محقومیت نہیں
قفس آشنا دل کبھی واپس نہیں ہوئے 
اَوراقے حیات پی گئی ساری سیاہی اس طرح
جیسے کبھی وہ ہم سے وابستہ نہیں ہوئے 
شرمینداے تعبیر گر خواب نہیں ہوا 
زندگی سے ہم کبھی شرمندہ نہیں ہوئے 
'ناصر' ہوا یں تند خو چلتی رہیں سد ا
پتھر بنے کچھ اس طرح ہوا نہیں ہوئے

Beauty, I understand, defies all definitions. In simple terms it can be defined as the ‘quality that gives pleasure to the sight, or the aesthetic pleasure in general; or the quality of excellence, grace etcetera’. But it is certainly not bound within these limits. As I understand: ‘Beauty isTruth that is-‘Satym shivam sunderam’. Sublime-the reverential wonder—the awe, and the reverential dread—cannot exist out of Truth that is Beauty. I don’t know anything about Kant’s forms of aesthetic pleasure. I say what I strongly feel and understand. I take the views of people like Kant up to a limit. I don’t follow them blindly. Awe as it is, must produce feelings of repulsion in us, but Beauty never does. There are millions of examples where the artistic-- deeply felt and experienced-- portrayal of misery and filth too, do not produce such feelings of repulsion as is pointed out in your comment. The viewer, no doubt, subconsciously starts indentifying but this identification too, is filled with a sense of Beauty which is, in fact, Satyam.
Even pain, under such conditions, brings tears, they call, of pleasure in the eyes of the viewer who walks back home with certain sense of fulfillment. Great art reduces the shock and dilutes the pain and a strange sense of catharsis overtakes. ---------
  
I may add that receiving is more important than perceiving. Perceiving, for that matter, is almost a simultaneous yet vague happening that clarifies itself later with a bit of churning in mind, of the received experience of pain and pleasure. And this churning may happen any time- in a moment or even after decades in certain cases. Pleasure and pain do shock the viewer as well as the artist. But this shock is received along with a vague perception of it hidden somewhere in its recesses-may be subconsciously. Taking a path—modern or postmodern—depends on the fact of the artist’s whereabouts, bringing up, and education etcetera. There is no point in rejecting the idea of unified experience/impact of pleasure to converse. 
Kab kahan our kyon kinara kar leeya ae zindgi
Ham tou kabhi DHOOP se khafa naheen hue
Qissa tamaam ho gia kyon meri vafa ka aaj
Ham tou kabhi Sanam se juda naheen hue
Basti meri aazad hai mehqoomiat naheen
qafas aashna dil kabhi vaapis naheen hue
Ouraaq-e-hyat pee gae saari siahee is tarah
Jaise kabhi vuh ham se vabasta nahee hue
Sharminda-e-taabeer gar khaab naheen hua
Zindgi se ham kabhi sharamida naheen hue
‘Naasar’ hawaaen tund-khu chalti reheen sada
Pathhar bane kuchh is taraah hawa naheen hua
Yeh kaisa Khuab hai jo hamen sone nahi deta---
Chain deta hai magar chain se sone nahi deta---
Vuh chaman vuh rang-o-boo vuh aastaan tera---
Iss dashat me-n yeh jhounpaDa sone nahin deta---
Yeh sehra-navardi our yeh aabla-paaee meri---
Doori –e-manzil ka yeh ehsaas sone nahin deta---
Shayad samajhte hain vuh kamzorian meri---
Ehsaas khastagi ka mujhe sone nahin deta--

Tuesday, September 11, 2012

                     Ik Shear
Yeh kaisi VFA hai, SZA SZA hi SZA hai
Nuqsan Muhabat ka,Nafrt ka NFAA hai

Monday, September 10, 2012


           Untitled
Today, on the crutches
                of
 yesterday &tomorrow,
tumbles down into
 utter Timelessness :
 Infinity---------- Eternity
 Mere words--- my foot!
Utterly  hollow & dead
 silently Sink  into utter Wordlessness-
God is lost in His own Nothingness!

Saturday, September 1, 2012


On Rosie Mann's Blue Moon & Bamboos:

dead & stiff
under the blue moon
decapitated bamboos

Louis Osofsky's in Punjabi :-

" ਵਿਚਕਾਰ
  ਕਾਗਜ਼ ਕਲਾਮ ਦੇ 
  ਪਤਝੜ ਦੀ ਠਾਰੀ"    

Monday, August 27, 2012

'ਨਾਂ ਕਾਂ ਓਹੀ 
ਨਾਂ ਕੰਧ ਓਹੀ
ਘਰ ਮੇਰਾ ਨਹੀਂ ਲਗਦਾ'

Thursday, August 23, 2012


   And Thus collapsed the Bridge

The banks of a Brook never meet,
              They say,
Unless the Brook dries up to die;
We made a bridge of Words across the Brook
 sat in the cushy lap of Poesy-
just for a while-
Like a pair of fatigued doves
Dying to merge into each other.
But then, It happened-------A bolt from the blue!
Two words-the ultimate ones-
unwittingly uttered-
Failed to hold & slipped out;
The bridge collapsed----------!
“Saheb,” she said:  
I, an alien from a different, distant star
-an immortal, Moral Being-The right bank of the brook ;
And U-the left one-an Amoral, Mortal being!
The vain balloon was needled through-
The  dream blew itself out.
Nothingness spread its pall all over!

Wednesday, August 22, 2012


Eucalyptus on the edge
Blue-banded woodpecker
Shot out of the hole

Tuesday, August 21, 2012

Friday, August 10, 2012


Rosie Mann's English haiku in Punjabi:


ਹੁਨਾਲੇ ਦੀਆਂ ਤਰਕਾਲਾਂ

ਗੁਲਾਬੇ ਦੀ ਖੁਸ਼ਬੂ


ਓਹਦੀਆਂ ਲਮੀਆਂ ਸਾਂਵਲ ਜੁਲਫਾਂ

Wednesday, August 1, 2012

IK Mansoor Hor

Ik Mansoor Hor

(Punjabi Play)

by :
Hardilbagh Singh Gill


- سین-1

(منچ دی چھت اسمانی رنگ دے گول گمبد وانگ چفیرے ڈھلدی جاپدی ہے۔ دوویں پہلو اتے پچھوکڑ گہرے سبز رنگ دے پانیاں دیاں شانت لہراں وانگ تھرکدے لگدے ہن۔ ماحول انت مون دے سنگیت 'چ لین ہے۔ اچانک پوہُ-پھٹالے دی شیتل کرن وانگ ساہمنیوں روشنی ملکڑے جہے پچھوکڑ دے عین وچکار کیندرت ہندی ہے؛ اتے آہستہ آہستہ ساگر دیاں گہرائیاں وچوں اک وشال-کایال بزرگ دی پرچھائیں ابھردی لگدی ہے۔ گورے گول منہ تے لمی، بھرویں چٹی داڑھی، اتے اچے لمے قد اتے بلی جثے تے دودھ چٹا لما چوغا، اک اکہہ نوری ویکتتوَ دا آبھاس کرواؤندے ہن۔ بزرگ دوویں باہواں پھیلاؤندا ہے اتے ڈونگھی ویدنامئی آواز 'چ ایوں سنبودھت ہندا ہے جویں برہمنڈ نال، اس دیاں بھنّ بھنّ شکتیاں نال، جاں پھر اپنے آپ نال کوئی سپن-وارتا کر رہیا ہووے۔)

بزرگ :
آہ، او پتاما برہمنڈ، آہ کی لکھ تا بھاگیں میرے!- ترل پدارتھ مقدر میرا، من-ماہی جیوں تلھکیں جاوے، بدھی دے کجھ پئے ناں پلے، جل انگلاں 'چوں نکلیں جاوے
کیہ ہاں میں؟ کون ہاں میں؟ کیوں ہاں میں؟ کون پتاما میرا؟ کیہدی ککھوں جنم لیا ہے؟ کجھ وی مینوں سمجھ ناں آوے۔ کوئی آکھے جل دیوتا، حضرت خضر کوئی آکھ بلاوے، ورن دیوَ کوئی کہہ کے پوجے، نیپچون نوں سیس نواوے؛
مہاں شانت، مہاں اشانت، مہاں ادھیر، مہاں گمبھیر، مہاں بلی، مہاں کرودھی، پرم پرلو، مہاں سنگھار، مہاں پھلی، مہاں چھلی، مہاں پریمی، مہاں ادار، مہاں کرپالو، سدابہار، پالن ہار!- پرم اپادھیاں جنیاں اکھوں، ناں میرے نے سبھے ہوئیاں۔ حضرت نھوہ دے طوفاناں ورگے، انیک طوفان میری ککھوں اگے،انیک بار ایہہ دنی سنگھاری، ایپر میں ہی مڑ اپجائی؛ کیہ ہاں میں؟ کون ہاں میں؟ کیوں ہاں میں؟ کون پتاما میرا؟ کیہدی ککھوں جنم لیا ہے؟ پر ایہہ گلّ سمجھ ناں آئی۔ کتھوں آیا توں پتاما؟ نامکرن ایہہ کیہنے کیتا-؟ بگّ بینگ-اہنگ مہاں دھماکا-کاہنوں کیتا، کیہنے کیتا-؟ پون، بسنتر، آکاش، دھرت ایہہ کتھوں، کداں پیدا ہوئے-؟ پون بھکھائی کاہدی خاطر؟ واشپ/گیس کیوں پیدا ہوئے؟ کیوں اہناں جل-رچنا کیتی، کیوں بھانڈا ایہہ بھریا میرا؟ کیہنوں پچھاں، کون دسو ایہہ، کی اے راز ایہہ تیرا، میرا-؟
کداں جل پھر 'ویرج' بنیا؟ کداں پیدا تخم ہو گیا؟ جرم، جتں ، جیو، بنسپت کداں؟ پیدا کویں منکھُ ہو گیا؟ خداوند میرے دسّ خاں مینوں؟ خدا تیرے دا خالق کتھے رہنداے؟ کون کہانی پاؤ ساری؟ خالق-پرم خداواں والا کتھے رہنداے؟


(بزرگ باہواں سمیٹدا ہے؛ نراش اتے مایوس آہستہ آہستہ الوپ ہو جاندا ہے۔ سوتردھار منچ تے پرویش کردا ہے۔)

سوتردھار :
دیویؤ اتے سجنوں!
اس بڈھے دی گلّ سنو ناں، ایہدے حصے عقل نہیں آئی، ترل پدارتھ بدن ایس دا، کم ہے ایہدا وگ وگائی؛ بھلّ کے فرض اپنا ویکھو، بے معنی کیہی رٹ لگائی، اپنی ماں دا پتہ نہیں جیہنوں، بڈھّ-ورھیسے لبھے خدائی!- پیدا کیتے، جاں فر ہوئے، بھکھ دکھ دے سل تسیہے سہن نوں ہوئے؛ کی مقصد ہے کاہدی خاطر، اگنت برہمنڈ کیوں پیدا ہوئے؟ امر موت دی بھکھ امر نوں، مارن خاطر پیدا کیتے، جاں فر ہوئے۔ کون خدا ہے، کی خدا ہے؟ خداواںدیاں فر فکراں کاہنوں-، موت گراس تاں بن ہی جانے، اپنی اپنی واری سبھ نوں- بزرگ وڈیرا مڈھ قدیموں، دھرت دا پانی بھردا آؤندے،بھلّ گیئے پر ایہہ سچائی، ایہدی اپنی نہیں خدائی، ایہہ تاں بسّ ہے نرا پدارتھ، اس توں ودھ نہیں ایہہ کائی؛ پچھ گچھّ دا حق نہیں ایہنوں، ناہیں قلم کوئی ہتھ پھڑائی؛جواراں دے سر کرے سواری، بھاٹیاں موہرے سیس نواوے، ترل مقدرج بسّ ایہو ایہدا: وگدا رہے بسّ وگدا جاوے۔ خداوند خود ناں جانے ایہدا، خالق اوہدا کتھے رہندا، اس خالق دا خالق، خالق پرم خداواں والاکتھے رہندا۔

-پردہ-




سین -2-

{پرویش سوتردھار دا}

سوتردھار :
"خودی کو کر بلند اتنا، کہ ہر تقدیر سے پہلے
خدا بندے سے خود پوچھے، بتا تیری رضا کیا ہے"
واہ، 'کیا خیال' اقبال فرمایا!- خدا،بندے دا مسلہ، ایڈے ڈونگھے کھاتے پایا۔
کون 'خدا' ہے، کون ہے 'بندہ'، کیہدی رضا، کون پچھنی
کون 'خودی' دا، دسو مینوں، ایڈا وڈا پنگا پایا----!
(پرستھان)

(پرویش سوآمی انند مورتی اتے سرب-دھرم-سمیلن سبھا دے ممبر گیانی گرمکھ سنگھ صاحبّ، مولوی طفیل احمد کاظمی، پنڈت موہن لال بھاردواج، فادر جورج ڈِے سلوا، شہری امن کمیٹی دے سکتر سردار بلونت سنگھ ورشٹ پترکار اتے پرسدھّ وگیانی رمیش پال عطرے۔)

سوآمی آنند مورتی: 
سجنو، اج دی اس بیٹھک دے ایجنڈے توں آپ سبھ بھلی پرکار جانو ہو؛ اتے ایہہ وی چنگی طرحاں جاندے ہو کہ اج دا منکھ اس مشینی یگ اتے ہر پل پرپھلت ہو رہے وگیان دوران نرا کلجگی جیو ہو کے رہِ گیا ہے۔ پرانیاں قدراں قیمتاں: بھگوان 'چ وشواس، آستھا، شردھا، آپسی بھائی چارہ، انسانیت دا موہ، بلیدان، پراپکار اتے تیاگ دی بھاونا، مولوں ہی وسر گئیاں ہن۔ قدرتی سہج، سادگی، سکھ، آتم-نربھرتا، آتم-وشواس،دھرم، ایمان، سچ، صبر اتے سنتوکھ دی تھاں بے ایمانی، جھوٹھ- طوفان، دھوکھا-دھڑی، کوجھا وکھاوا، آپ ہدراپن، خودغرضی، پرجیوی رچیاں، اسیم بھکھ، لوبھ، لالچ، گھرنا اتے انسانیت دی قیمت تے ترقی کرن دی کوجھی چوہے-دوڑ پردھان ہن۔ کلجگی منکھ اتے جنگلی درندے وچّ اج کوئی فرق نہیں رہیا۔ اج دے دور دی اشانتی، بے چینی، بے امنی، اتھل پتھل، تشدد، ہنسا اتے نت دے مذہبی فساداں دا مول کارن ایہو ہی برائیاں ہن؛ اتے سانوں ساریاں نوں ایہناں مارو بیماریاں دا حلّ لبھنا ہی پینے۔ اج دی ایہہ بیٹھک اسے مقصد دی پورتی ولّ ساڈا پہلا قدم ہے۔

سری بلونت سنگھ :
سوآمی جی، پر مینوں سخت اعتراز ہے کہ آپ نے اجوکے منکھ نوں درندے یعنی جنگلی جانور دی اپادھی دندیاں ذرا وی نہیں سوچیا۔ جانور یعنی درندا خونخار اتے لالچی ضرور ہندا ہے، پر اپنیاں قدرتی بھکھاں اتے پیاساں دی ترپتی، اتے خود نوں خطریاں توں بچان دی حد تکّ ہی؛ اس توں اگیرے نہیں۔ اوہ کل دی فکر وچّ سٹور نہیں کردا، گدام نہیں بھردا، لاشاں دے انبار نہیں لاؤندا، بلیک نہیں کردا۔ جو کردے سرِعام کردے، اتے ترنت-ترپتی اپرنت شانت ہو جاندے۔ جانور سودخور، بلیکیا، جھوٹھا، دغے باز، جیب-کٹّ، گل-کٹّ، بلاتکاری، مذہبی جنونی، اتے کٹڑ-پنتھی ہو ہی نہیں سکدا۔ قدرت نے اس نوں کیول قدرتی بھکھاں دی ترپتی لائق ہی بنایا ہے؛ منکھ دا دماغ اس نوں نہیں بخشیا جو دراصل ساریاں برائیاں دی جڑھ ہے۔ اسے لئی اس دا کوئی اتہاس نہیں۔ جانور جماندرو جانور ہندا ہے، جانور جیندا ہے اتے جانور ہی مردا ہے۔ اوہ ہلاکو، ہٹلر، چنگیز جاں اورنگزیب نہیں ہو سکدا۔ اج دے منکھ نوں جانور نال میلنا جانور نال دھکا ہی نہیں، کورا انیاں وی ہے۔ کیوں مولوی صاحب، ٹھیک ہے ناں؟

مولوی کاظمی :
صحیح فرمایا سردار صاحب؛ وہ کسی شاعر نے بھی تو
ٹھیک ہی کہا ہے:-
'ان حسینوں نے لاکھوں گھر اجاڑے ہیں
یہ بوم تو الو کا پٹھا مفت میں بدنام ہے'

(سارے ہسدے ہن۔ سوآمی جی شانتی لئی بینتی کردے ہن ،اتے سبھاسداں نوں اپنے اپنے وچار پورن گمبھیرتا سہت پیش کرن لئی پرارتھنا کردے ہن۔)

سوآمی جی :
سبھا-سد کھماں دا جاچک ہاں؛ کرپا کرو شانتی دا دان بخشو۔ ایڈے گمبھیر وشے نوں ایوں مذاق 'چ ناں اڑاؤ۔ جے منکھتا دے آگوُ ہی انج کرن لگے تاں پھر ایہہ دنیا تاں ڈبی ہی سمجھو۔

سری بلونت سنگھ :
نہیں، نہیں سوآمی جی، میرا مطلب ایہہ نہیں سی۔ میں پوری سنجیدگی نال اپنے اس کتھن نوں مڑ دہراواں گا۔ اج دے منکھ دیاں جو برائیاں تساں گنوائیاں ہن اوہناں دا مول کارن ہے ساڈی 'سوکالڈ' سبھیتا، جس نے منکھ نوں اپنے 
'اصلے' یعنی جانورپنے توں دور کر دتا ہے۔ جی ہاں، منکھ جانور پہلاں ہے تے 'سوشل بیئنگ' بعد وچّ۔ تہاڈی سبھیتا دے ایہناں اصولاں نے ہی اس دے اصلے نوں کرپٹ کیتا ہے؛ نتیجہ ایہہ کہ ایہہ ناں آدمی ہی رہیا تے ناں جانور۔ سوآمی جی، دودھ 'چ پانی ملان نال دودھ ہی نخالس نہیں ہندا، پانی وی اشدھّ ہو جاندا ہے۔ جانور پنے دی شدھتا بارے مینوں ہور گلّ لمکان دی لوڑ نہیں۔ تسیں سارے سیانے ہو؛ بسّ سچائی دا ساہمنا کرن توں ڈردے ہو۔

مولوی صاحب :
اس کا مطلب تو یہ ہوا کہ دین و ایمان جو تہذیب و تمدن کو ظہور میں لانے والے ہیں، بسّ کھوکھلی باتوں کے سوا کچھّ بھی نہیں! واہ سردار صاحب، عجیب فلسفہ جھاڑا ہے! آپ تو کفر کی ساری ہدیں پار کر گئے!

سری بلونت سنگھ :
جی ہاں، ٹھیک کہیاے تسیں۔ میں کافر ہاں، تے مینوں اپنے کفر تے ناز وی ہے ۔ خدا دے ناں تے بے گناہاں دا جناں خون آپدے اس خدا دے بندیاں نے جس بے کرکی نال بہایا ہے اوہناں اج تکّ کسے ہور ناں جاں مدعے تے نہیں بہایا گیا۔ دنیا دا اتہاس اس سچ دا شاہد ہے۔ جنگل وچّ کدے اجیہا نہیں ہویا۔ جنگل ہی ہن جو اس شیطانیت توں مولوں ہی پاک، صاف ہن۔ اوتھے ناں کوئی رام ہے ناں راون۔ نہ کتے کوئی مسجد ہے نہ مندر؛ بسّ نرول پرکرتی ہے- صاف، ستنتر، شدھ، کوری تے نرمل۔ دھرم نہیں، ایمان نہیں؛ خدا نہیں، بھگوان نہیں۔ امن ہے، شانتی ہے، چین ہے۔ پر تہاڈے خدا دی اس دنیا وچّ ہن مذہبی فساد، قتل و غارت، آگ زنی، بلاتکار، اپہرن اتے معصوماں دیاں دل چیرویاں چیکاں، ہوکاں، وین، ورلاپ اتے ہاہاکار۔ اجیہے خدا دی خدائی توں میں منکر ہی چنگا۔ اہناں لعنتاں توں نجات پان لئی اس خدا توں منکر ہونا لازمی ہے۔ اسے وچّ اج دے منکھ دی بھلائی ہے۔ جے ایہہ کفر ہے، شیطانیت ہے، تاں تہاڈے خدا نالوں کتے ودھ چنگی ہے۔

{کئی درشک اٹھ کھلوندے ہن، اتے بھیڑ 'چوں غصیلیاں آوازاں ابھردیاں ہن} 

آوازاں :
زبان بند کرو اس کافر دی؛ مارو جتیاں؛ کڈھو باہر !
(کئی بھڑکے درشک منچ تے آ چڑھدے ہن تے سردار بلونت سنگھ نوں ہتھیں پے جاندے ہن۔ دھکے-مکی نال سردار صاحب دی ڈھلی جیہی دستار ڈھیہہ پیندی ہے۔ سوآمی جی دوڑ کے آؤندے ہن اتے اوہناں دی دستار نوں سمبھالدے ہن۔ باقی سبھا-سدا وی سردار صاحب دوآلے گھیرا گھتّ اوہناں نوں بچان دی کوشش کردے ہن۔ پنڈت جی دا انگرکھا پھٹ جاندا ہے۔ مولوی جی دی سوتی ٹوپی اتر جاندی ہے۔ فادر جورج دھکا کھا منہ پرنے ڈگّ پیندے ہن۔ ڈھہندے گیانی جی نوں وگیانی عطرے بڑی مشکل نال سمبھالدے ہن۔ پردہ گردا ہے۔ سوتردھار منچ سمبھالدا ہے۔)

سوتردھار :
ودی بلند بلونت نے کیتی، خدا ایپر ٹھکرایا ہتھیں خلق خدا دی پے گی، مزہ خوب چکھایا 
'قلم خدائی' خلق نے کھوہی، تقدیر لکھن نوں اوہدی رضا اوسدی کسے ناں پچھی، اقبال نوں ایوں جھٹھلایا گل وی اوہدا، صافا اوہدا، منصور سنگ جا لٹکایا عیسیٰ، نانک، گیلیلو بھائی، کدے کتے جن دھون اٹھائی، قلم خدا دے ہتھوں کھوہی، سدا اتہاس خلق دہرایا۔ سجنو اتے دیویؤ سن لو، جھوٹھ ذرا نہیں اس وچّ کائی انھی خلق ہی روپ خدا دا، اس توں بناں خدا نہیں کائی۔

-پردہ-



سین -3-


(سرب-دھرم سمیلن سبھا دی اگلی بیٹھک آرنبھ ہون والی ہے۔ کوئی وی ممبر غیرحاضر نہیں۔ سردار بلونت سنگھ نوں گیانی گرمکھ سنگھ بڑے آدر نال اپنے کول بٹھاؤندے ہن۔ وگیانی عطرے مولوی صاحب دی بغل 'چ بیٹھے ہن۔ پنڈت جی اتے فادر جورج کاناپھوسی 'چ لپت جاپدے ہن۔ سوآمی جی منچ سنبھالن دی تیاری 'چ رجھے پرتیت ہندے ہن۔ سوتردھار اچانک منچ تے وارد ہندا ہے اتے مائیک سمبھالدا ہویا منچ دے این سرے تے درشکاں دے سدھے سمپرک 'چ آ کھلوندا ہے۔)

سوتردھار :
دیویؤ اتے سجنو،
کل اک چینل خبر وکھائی : گھڑی حشر دی نیڑے آئی چمبکی کیندر دھرت دا ہلنے، دُنی 'چ پینی حال-دہائی، دکھنی دھرو اتر جا چڑھنے، اتری دکھن آکے وڑنے پانی پانی دھرت ہو جانی ، کیلاش تے جا ساگر نے چڑھنے 
'مایہ' سمت مکن لگے، بھرم-جال ایہہ ٹٹن لگے باراں بعد نہیں تیراں آؤنا، تگّ دنیا دا ٹٹن لگے گلوب دا گولہ شیشہ شیشہ، ٹٹدے تارے خلاء 'چ ہونے نوگرہِ ایہہ پروار روی دا، بلیک ہول دا کھاجا ہونے خلق نہیں، خدا نہیں ہونا، بندہ نہیں تاں ربّ نہیں ہونا کاہدے لئی پھر جھگڑے جھیڑے، کاہنوں حال-پاہریا پائی خودی، خدا دا جھیڑا مکنے، گلّ پھر کتھوں 'رضا' دی آئی!
پرستھان

{بیٹھک دی کاروائی شروع ہندی ہے۔ سوآمی جی منچ سنبھالدے ہن۔} 
سوآمی جی :
سجنو، اج دا وشا اوہی پرانا وشا ہے؛ پرنتو حالات ضرور بدل گئے ہن۔ پچھلی بیٹھک وچّ جو وی ہویا بڑا ہی افسوسناک اتے ابھاگا سی۔ اس وار سروتیاں نوں میری خاص طور تے بینتی ہے کہ بحث نوں نروگھن سرے چڑھن دتا جاوے؛ اتے جوش 'چ آکے کسے قسم دا اپدر کھڑا کرن توں سنکوچ کیتا جاوے۔ ہر اک نوں آپنی اپنی رائے پیش کرن دا پورن ادھیکار ہے۔ جو تہانوں چنگا نہیں لگدا اس نوں اپنان دی لوڑ نہیں۔ مارا-ماری دوارا اتے زور زبردستی دوجیاں تے اپنی رائے ٹھوسنا گناہ ہی نہیں جرم وی ہے۔ جو میرے نال سہمت نہیں اوہ کرپا کرکے ہنے ہی اس بیٹھک 'چوں جا سکدے ہن۔

اک درشک
پر سوآمی جی، ایہہ منچ ناستکتا دے پرچار لئی تاں استعمال نہیں ناں کیتا جا سکدا۔

سوآمی جی :
نہیں۔ پر ایہہ وی تاں بھلنا نہیں نہ چاہیدا کہ ساڈا سنویدھان ہر شہری نوں لکھن-بولن دی پوری آزادی دندا ہے۔ وچاراں دا آدان پردان مولک ادھیکار منیا گیا ہے۔ ناستک ہونا جاں ناستکتا دا پرچار کرنا جرم نہیں ہے۔ اس معاملے تے روس پرگٹاؤن تے ہنسک ہون دی لوڑ نہیں۔ شانت رہو تے وچار سنو؛ جو چنگے لگن اپناؤ؛ باقیاں توں پلہ جھاڑو۔ فسادیاں نوں پولیس دے حوالے کرن 'چ سانوں کوئی سنکوچ نہیں ہووےگا۔

(درشکاں 'چ دبیاں زباناں 'چ کجھ کو کہا-سنی اپرنت اکا-دکا لوک اٹھ کے باہر جاندے ہن۔ ماحول شانت ہون تے سوآمی جی مولوی طفیل احمد کاظمی نوں اپنے وچار پیش کرن دا سدا دندے ہن۔ مولوی ساہبّ مائیک سمبھالدے ہن۔)

مولوی صاحب :
حضرات، سوآمی جی نے بالکل صحیح فرمایا۔ بحث مباحثے میں زبردستی، تشدد، تعصب، اور مارا-ماری کی کوئی گنجائش نہیں۔ ہمیں کفر سے کوئی لگاؤ نہیں ہے۔ اور ہم جانتے ہیں کہ کفر سے نجات حاصل کرنے کے لیئے کافر کو نہیں بلکہ کفر کو مارنے کی ضرورت ہے۔ اور کفر آج تکّ تیر و تلوار سے تو مارا نہیں جا سکا ۔ اس لیئے ہمیں لوگوں کی سوچ کو بدلنا ہوگا، اور یہ صرف آپسی بات-چیت اور بحث-مباحثے سے ہی ممکن ہو سکتا ہے۔ آدمی کو انسان بننے کے لیئے اپنے خالق خدا پر یقین لانا، مذہب کے دکھائے راستے پر چل کر 
اس تکّ پہنچنے کی کوشش کرنا، اور گناہ سے توبہ کرنا لازمی ہے؛ نہیں تو آدمی اشرف المخلوقات کہلانے کا حق کھو بیٹھے گا۔ دین اور ایمان سے ہی آدمی انسان ہے، نہیں تو کورا حیوان ہے۔

سری بلونت سنگھ :
مترو، میں وی عامَ طور تے سوآمی جی دے وچاراں نال سہمت ہاں۔ میں وی مندا ہاں کہ اجوکا منکھ کراہے پیا بھٹکیا جیو ہے۔ پر اصل سوال ایہہ نہیں کہ کون کافر ہے تے کون مومن؛ اصل سوال ہے کہ اس کراہیئے نوں راہے کویں پاؤنا ہے۔ بھاویں میں ناستک ہاں،- کافر وی کہہ سکدے ہو،- پر مقصد میرا وی اوہی ہے جو تہاڈا ساریاں دا۔ بھاویں تہاڈے خداواں دی خدائی دا قائل نہیں، پر منکھ دی خدائی وچّ تاں سمپورن یقین رکھدا ہاں۔ منکھ ہی خدا ہے؛ خلق وی اتے خالق وی۔ شیطان وی منکھ ہی ہے؛ اتے نرکاں، سورگاں دا رچنہار وی۔بسّ ایہو عامَ لوکائی نوں گیات کروان دی لوڑ ہے، اتے ایہو اوہ مول-منتر ہے جو اس مسئلے دا اصل حلّ ہے۔

پں: موہن لال :
سردار ساحبّ، تسیں تاں ساڈے سارے دھرم-گرنتھاں، اوتاراں، پیغمبراں، سائیاں، سنتاں، پراچین مانتاواں، اتھوا درشن پرنالیاں توں ہی پلہ جھاڑ لیا! ایہہ سبھ کجھ گیا تاں بھلا رہِ کیہ گیا؟

س.بلونت سنگھ :
بالکل غلط۔ ایہہ تاں جناب، میں اسے درشن اتے دھرم گرنتھاں توں ہی پراپت کیتا ہے جیہناں دا تسیں ذکر کردے ہو۔ اوہناں نوں مڑ واچن دی کھیچل کروں تاں آپ ہی سمجھ جاووں گے۔ اوتار، پیغمبر سبھے منکھ سن۔ اوہناں دے سراں دوآلے 'نوری پروار' منکھاں نے ہی الیکے سن۔ اتہاس دے کلّ شیطان وی منکھ ہی سن۔ باقی چندر-لوکر، اندرلوک، بہشتاں، حوراں، نرکاں، پاتالاں، سورجاں، شنیاں، منگلاں اتے ہور انیک لوکاں- پرلوکاں بارے پچھنا ہے تاں اترے جی توں پچھ ویکھو۔ جے پھر وی شکّ رہے تاں گیتا پڑھ لوو۔ دور ہو جاوے گی۔ شری کرشن وی منکھ ہی سن۔ اتے مولوی جی اتے فادر جورج وی انکار نہیں کر سکدے کہ عیسیٰ اتے 'رسولِ خدا' وی منکھ ہی سن۔ گیانی جی وی دسم پاتشاہ دا کتھن ہی دہران گے:
"میں ہوں پرم پرکھ کو داسا، دیکھنِ آیو جگت تماسا"
---------------------

جو ہم کو پرمیشر اچرِ ہے، تے سبھ نرکِ کنڈ مہہ پرِ ہے۔۔
مو کو داسُ تونوُ کا جانو۔۔ یا میں بھید ن رنچ پچھانو۔۔

عطرےصاحبّ :
ایہہ جھگڑا مولوں ہی فضول ہے۔ بن کارن سماں گوان دی لوڑ نہیں۔ وگیان دے اس یگ وچّ اندھوشواس دا کوئی ستھان نہیں۔ نرک، سورگ بندہ خود پیدا کردا ہے۔ شیطان اتے بھگوان وی بندہ آپ ہی ہندا ہے۔ 'کرم' دا درشن صحیح ہے۔ 'کاز اینڈ ایفیکٹ' ہی مڈھلا سچ وی ہے۔ چندر، منگل، شنی آدی ہن منکھ دی پکڑ توں باہر نہیں۔ سردار صاحبّ دیاں گلاں 'چ وزن ہے۔ سچ ولّ پٹھّ کرن نال کجھ بنن والا نہیں۔ میری رائے ہے کہ دوجی دھر نوں اس بارے سوچن سمجھن دا وقت ملنا چاہیدا ہے تاں جو سارتھک بحث ہو سکے۔ اس لئی میں اج دی بیٹھک دی اتھے ہی سماپتی دا پرستاو تجویز کردا ہاں۔

پنڈت موہن لال :
میں عطرے صاحب دی تجویز دی تائید کردا ہاں۔

سوآمی جی :
ٹھیک ہے؛ اج دی سبھا اتھے ہی سماپت کیتی جاندی ہے۔ پربندھکاں ولوں تہاڈا ساریاں دا دھنواد کہ تسیں اپنا قیمتی سماں دے کے اس بیٹھک نوں سفل بنایا۔
-پردہ-























سین-4


(وگیانی عطرے جی دے گھر سردار بلونت سنگھ، گیانی گرمکھّ سنگھ، پنڈت موہن لال بھاردواج ، پروفیسر مسز لیلیٰ مکرجی، اتے ادیوگپتی عزیز عالم صاحب شام دے کھانے تے آمنترت ہن۔ موسم معقول اتے شام حسین ہے۔ ڈنر توں پہلاں ڈرنکس سرو ہو رہے ہن؛ محفل ہولی ہولی رنگ تے آ رہی ہے۔ نکیاں نکیاں چسکیاں نال گمبھیر وشے چھوہے جا رہے ہن؛ اتے ماحول آہستہ آہستہ سنجیدہ ہندا جا رہا ہے۔)

پروفیسر مکرجی :
عطرے صاحبّ اس دن تسیں بیٹھک نوں اچانک ورام لا کےحالات نوں وگڑن توں بچا لیا نہیں تاں اک وار فیر سردار صاحبّ دی دستار نوں خطرہ پیدا ہو گیا سی۔ پتہ نہیں اہناں نوں وی مورکھاں نال پنگا لین 'چ کیہ سواد آؤندے ! ہر وار، ہر تھاں لتّ اڑا بہندے نے ۔

عطرے صآحب :
ایہہ سردار صاحب دا قصور نہیں۔ اہناں دے اندر بیٹھا 'سو- کالڈ پترکار' واہ نہیں جان دندا۔ ہر تھاں ہر گلّ 'چ 
'پترکار' نے اپنی ودوتا تاں گھوٹنی ہی ہوئی۔ اس توں بغیر اس دا گزارا نہیں۔ دستار لہونی اتے لاہنی تاں سردار صاحب دے پیشے دا لازمی حصے ۔ اس لئی ایہہ سدا تیار بر تیار رہندے نے۔

سردار بلونت سنگھ :
ٹھیک فرمایا۔ میں جھوٹھ اتے 'دروغ' دا بھانڈا بھنن لئی سدا تیار رہناں ۔ اس نیک کم 'چ پگّ دی پرواہ میں کدے نہیں کردا۔ اپنے گروآں توں میں ایہو کجھ تاں سکھئ ۔ تہاڈے انیالے مذاق میرا رستہ نہیں بدل سکدے؛ نہ ہی جھوٹھ نوں سچ 'چ تبدیل کر سکدے نے۔

عزیز عالم :
بریوو، سردار صاحب بریوو! ہم آپکے حوصلے کی داد دیتے ہیں؛ اور آپکے خیالات کی پرزور تائید بھی کرتے ہیں۔آدمی کے علاوہ میں نے بھی کبھی کوئی خدا نہیں دیکھا۔

پنڈت موہن لال :
کیا کہنے عالم صاحب! ہن تاں 'دکھتر-اے-رز' نال بوسابازی دے خمار 'چ بے خوف چہکیں جاندے ہوں؛ پر ایہی گلّ اپنے گھر والیاں اگے، جاں پھر مسجد دی کسے میٹنگ
'چ آکھوں تاں جانیئے! 

گِیانی گرمکھ سنگھ :
ویسے پنڈت جی تہاڈے اس بارے کی وچار نے؟ ویکھو، ذرا ایمانداری نال جواب دینا؛ مدرا دا مزہ تاں تسیں وی مان رہے ہوں۔

پنڈت موہن لال :
(ہتھلا جام پیغ-ٹیبل تے رکھدے ہوئے) کیوں تہانوں میری ایمانداری تے کوئی شکّ ہے ؟ میں وی تاں تہاڈے وانگ ہی پرماتما 'چ پورن وشواس رکھن والا اک پجاری ہاں۔- نہیں؟

گیانی جی :
پھر تاں سردار بلونت سنگھ ہوراں دی گلّ مننی پینی اے۔ کیونکہ ربّ تاں بندے توں باہر میں وی کدے نہیں تکیا۔ ساڈے دسویں نانک نوں تاں اوہ پہلاں ہی 'کوٹ' کر چکے ہن تے اس وچّ میں اوہناں دی پرزور تائید وی کرداں۔

پنڈت جی :
نہیں؛ پر میرا ایہہ مطلب بالکل نہیں سی۔

گیانی جی :
مطلب تہاڈا جو وی ہووے تہاڈی ہچکچاہٹ توں صاف ظاہر ہے کہ بندے توں باہر ربّ تساں وی کدے نہیں تکیا۔ دھنے جٹّ دی کتھا توں تاں ایہو ظاہر ہندا ہے۔

پنڈت جی :
پر ایداں سوچن لگیئے تاں ساڈے دھرم-گرنتھاں، شاستر، پراناں دا کی بنو؟

سردار بلونت سنگھ :
اپنے دھرم-گرنتھاں اتے شاستراں، پراناں نوں اک وار پھیر پڑھو، اتے سمجھن دی کوشش کرو۔ بناں سمجھن توں پاٹھ کرنا فضول اتے بے معنی مشقت توں بناں کجھ وی نہیں ۔

پنڈت جی
پر تساں ایہہ سبھ کجھ تاں بناں پڑھے ہی کہیں جاندے ہو۔

س.بلونت سنگھ :
مینوں بھاگود گیتا توں اگے کجھ پڑھن دی لوڑ ہی محسوس نہیں ہوئی۔ لارڈ کرشن ارجن نوں فرماندے ہن: " سارے منتراں 'چوں سروؤتم منتر گائتری منتر میں ہی ہاں"۔ اس "میں" دا مطلب ہے 'منکھ'؛ منکھ ربّ دا روپ ہے؛ ربّ دا رسول ہے؛ خود ربّ ہے، اتے ربّ دا رچیتا وی۔ کہوں تاں گائتری منتر دا مطلب سمجھاواں؛ جاں فر ویداں دے تتّ 'وچار ساگر' 'چ دتی ربّ دی پریبھاشا والا شلوک یاد کراواں؟

عطرے صاحب : 
پنڈت جی منّ وی جاؤ، سردار ساہبّ دی گلّ 'چ بڑا دم ہے۔ 'وچار ساگر' میں وی پڑھیا ہے۔ ربّ دی پریبھاشا والے شلوک 'چ کیہا گیا ہے کہ "ربّ اس سکھ، اس کھیڑے، اس آنند اتے اس وسماد دے سدیو پرکاش دا ناں ہے جو اس برہمنڈ دے کن کن نوں رشناؤندا ہے؛ منکھ دی متّ اس نوں سمجھ نہیں سکدی؛ پر جد سمجھ جاندی ہے تاں منکھ آپ ہی ربّ بن جاندا ہے" ۔

س.بلونت سنگھ :
'وید' کلّ گیان دا سروت ہن۔ وید شبد دا ارتھ ہے
'گیان'۔ گیان نوں کیول منکھ ہی پراپت کردا ہے۔ گیان منکھ دی ہی کاڈھ ہے۔ منکھ توں بناں کسے ہور نوں گیان دی لوڑ وی نہیں۔ گیان دا کلّ کوش منکھ نے ہی بھریا ہے۔ منکھ ہی 'برہم' یعنی 'برہمن' ہے؛ اتے 'برہمن' سروؤتمّ یعنی 'پرم چیتنا' دا دوجا ناں ہے۔ گائتری منتر سانوں یعنی منکھ نوں اس 'پرم چیتنا' ولّ ہی پریرت کردا
ہے۔'اوم' مڈھلی اتے مولک دھنی ہے جو برہمنڈ دے تتاں دے کن کن 'چ وسدی ہے : جل، تھل، اگن، آکاش، ایتھر، سرو پلاڑ، متّ اتے چیتنا دے دھر اندر۔ 'گائتری' مڈھلی دھنی یعنی 'اوم' دا ہی وسترت اتے پریبھاشک روپ ہے۔ اس دی سمجھ، اس دا پاٹھ-گان، اس دا روح 'چ رساء' منکھ نوں
'پرم چیتنا' دا روپ بخش 'برہم' بناؤندا ہے؛ اتے ایہہ سبھ
کجھ منکھ دی ہی سوچ، کرت، کاوش اتے لگن دا نتیجہ ہے۔
'برہم' ہی 'پرم' ہے اتے 'پرم' ہی 'پرماتما'۔ سو منکھ ہی تریسرا برہم دیوَ ہے جو 'سنساری، بھنڈاری، اتے سنگھاری' والی پریبھاشا 'چ فٹّ بیٹھدا ہے۔ ہور دسو ربّ بھلا کیہ ہے؟

پروفیسر مکھرجی :
تہاڈے ورگے ناستکاں نال سہمتی پرگٹ کرکے پنڈت جی نے بھلا اپنی دوکان نوں تالا مارنے؟ کیوں عزیز صاحب تسیں کی کہندے ہو؟

عزیز عالم
بالکل صحیح فرمایا آپ نے۔ پنڈت جی تو کیا کوئی بھی اپنی 'روزی-روٹی' کی حفاظت کے لیئے کٹ تو مریگا مگر کمپرومائیز نہیں کریگا۔ موت اور مصائب سے ڈرنے والے ہمیشہ ہی مزاہب کے المبرداروں کے پیچھے پوری طاقت سے صف بند رہے ہیں، اور پنڈتوں، ملاؤں، کی دکانیں دھڑلے سے چلتی رہی ہیں۔ خدا کو سمجھنے یا سمجھانے کا تو کسی کو جیسے وقت ہی نہیں ملا۔ صاحبان، بسّ بہت ہو گیا۔ اب اس ذہنی کاوش کو خیرباد کہو، اور زمین پر تشریف لے آؤ تاکِ جام او مینا کا کچھّ تو مزہ لیا جا سکے۔ عطرے صاحب، اب ذرا ڈنر بھی لگوائیے؛ پیٹ میں بھوکے چوہوں نے گھمسان مچا رکھا ہے۔

(پنڈت جی نراتر ہو کنّ کھرکن لگدے ہن؛ اتے سردار بلونت سنگھ پرشناتمک نظراں نال پنڈت جی دے منہ ولّ تکیں جاندے ہن۔ پروفیسر مکرجی ٹھاہکا مار کے ہسدی ہے؛ عزیز عالم دے چہرے تے لمی مسکان پھیل جاندی ہے۔ پردہ گردے ہی سوتردھار دا پرویش ہندا ہے۔)



سوتردھار :
تھل جل ہویا ونسپت ہوئی، پیدا سندر کمل ہو گیا کمل بورایا،کھیڑا آیا،روشن کلّ برہمنڈ ہو گیاکملنابھ سشوبھت تریسر، کارک، کرم، کرتار ہو گیا اک سنساری، اک بھنڈاری، اک سنگھاری سردار ہو گیا جل تھل اک دوجے دے کارک، اچرج ایہہ ویوہار ہو گیا ساگر سروت تلاشن اپنے، سروتاں نوں پر سروت نہیں ملدے آدی دے پیٹے انت دی مونہیں، دوواں دے ہی سروت نہیں ملدے
ٹھیک ہی 'بڈھا' کلپ رہیا ہے، کیہنوں باپو آکھ بلاوے بنساولی دی واچے پتری، پیو دا باپو کویں تھیاوے ؟ سورج ونشی، چندرونشی، جاں ورن-ونشی اندر دا جایا کیہ دسے اوہ کون ونش دا، کیہڑی کل توں، کتھوں آیا
کل دا تخم جس پیدا کیتا، اوہ بھلا پھر کتھوں آیا؟
٭ ٭ ٭ ٭ ٭





















Ik Mansoor Hor

(Punjabi Play)

by :
Hardilbagh Singh Gill


سین-5-


سرودھرم سمیلن سبھا دی اگلی بیٹھک آرنبھ ہون لگی ہے؛ سبھا-سدا اپنے اپنے آسن سنبھال رہے ہن۔ حالَ درشکاں نال تقریباً بھر چکیا ہے۔ سوآمی جی مائیک سمبھالدے ہن اتے کاروائی شروع کردے ہن۔

سوآمی جی :
سجنو اج دی چرچہ اسے نقطے توں آرنبھ ہوویگی جس تے پچھلی بیٹھک دی چرچہ ادھواٹے چھڈی گئی سی۔ سو پہلاں میں سردار بلونت سنگھ ہوراں نوں اپنی ادھوری چھڈی گلّ نوں پوری کرن دا سدا دیندا ہاں؛ اس اپرنت کھلی بحث 'چ حصہ لین لئی ساریاں نوں آمنترت وی کردا ہاں۔ سردار صآحبّ آؤ، منچ تہاڈا ہے۔

سردار بلونت سنگھ :
دوستو، میں اس دن عرض کر رہیا ساں کہ ربّ بندے توں الگّ کوئی شے نہیں۔ سارے مذہب اتے دھرم اسے ستّ ولّ اشارہ کردے ہن۔ جے بندہ ناں ہندا تاں خدا نہیں سی ہونا؛ جے فر وی خدا ہندا تاں اس دی پوجا پرستش کس کرنی سی؟ اس دے ناں تے ایناں قتل و غارت کس کرنا سی؟ اج دی ایہہ سبھا کس بلاؤنی سی تے ایہہ چرچہ کس کرنی سی؟ خدا، ایشور، گوڈ کیول اک متھّ ہے جس نوں کیول منکھ نے ہی
متھیا ہے۔ اس لئی مذہباں، دھرماں دے کلّ جھگڑے جھیڑے نرارتھ ہن۔ سانو لوڑ ہے ترکشیل بنن دی انسان بنن دی۔ اسے وچّ منکھ دی بھلائی ہے ایہو اس دی اپنی خدائی ہے۔ جنگل دی دنیا وچّ ربّ ناں دا کوئی جھگڑا جھیڑا نہیں کیونکہ جنگلی جیواں کول اجیہا دماغ اتے بدھی ہی نہیں کہ اوہ 'ربّ' ورگی کوئی شے پیدا کر سکن۔ اوہناں لئی تاں اگنورینس ہی بلسّ ہے۔ منکھ نوں اس ستّ توں مونہہ نہیں موڑنا چاہیدا۔ اگے تسیں سیانے ہو۔
{اپنی سیٹ تے جاندا ہے}

سوآمی جی :
پنڈت جی تسیں اس نقطے تے کوئی وچار سانجھے کرنے چاہوں گے؟

پنڈت جی :
جی ہاں۔ پر سردار صاحب دی کسے اجیہی دلیل نال میں تاں بالکل سہمت نہیں۔ ایشور ہی اس سنسار دا مول سروت ہے۔ اوہ ہے تاں سبھ کجھ ہے اوہ نہیں تاں کجھ وی نہیں۔ دنیا دے کلّ دھرم
- گرنتھ اس سچ دی گواہی دیندے ہن۔ اردو دے مہان شاعر مرزا اسد اللہ خاں غالب نے خوب فرمایا ہے:
'نہ تھا کچھّ تو خدا تھا، کچھّ نہ ہوتا تو خدا ہوتا'
خدا، ایشور، گوڈ یعنی اپنے پرم پتا توں منکر ہونا
بھلا کفر نہیں تاں ہور کیہ ہے؟
(پنڈت جی اپنی کرسی ملدے ہن؛ درشک تاڑیاں ماردے ہن تے اوہناں دی واہ، واہ کردے ہن)

سوآمی جی:
سردار صاحب، آؤ دیو جواب۔

سردار بلونت سنگھ : 
پنڈت جی بڑے گنی گیانی انسان ہن؛ میں اوہناں دی ودوتا دی بڑی قدر کردا ہاں پرنتو افسوس ہے کہ اوہناں نے غالب دا شعر ادھورا ہی چھڈّ دتا تے میرے کفر،اپنے ایمان دی گلّ چھیڑ دتی۔ خدا، ایشور، گوڈ یعنی پرمپتا کون ہے؟ کتھے ہے؟ کیوں، کدوں تے کتھوں آیاں؟ دھرم-گرنتھاں چوں گیتا دی گلّ میں کر ہی چکا ہاں: لورڈ کرشن وراٹ روپ دے درشن کرواؤندے کیول 'میں-میں-میں تے میں' ہی آکھیں جاندے ہن اتے اوہ کیول منکھ سن۔ سکھ گورو صاحبان نے وی منکھ کہلان دی ہی ضدّ کیتی۔ باقی دھرماں اتےدھرم-گرنتھاں دا وی ایہو حالَ ہے۔ کیول ساڈے پڑھن سمجھن دا ہی فرق ہے۔ وچار ساگر اتے ویداں دی گلّ پہلوں ہی کیتی جا چکی ہے۔ اصل وچّ پرم-چیتنا، پرم شکتی، پرم- انو یعنی پرمانو اتی وسفوٹک، وناش کاری، جننشیل اکے شکتی ہے: شکتی جو ربّ یعنی طاقت دا دوجا ناں ہے۔ میری سمجھے کلّ دھرماں چوں پراتن شیوزم ہی اک اجیہا دھرم ہے جو پرمپتا دی صحیح وگیانک پریبھاشا دے ایناں نیڑے پجدا ہے۔ منکھ ہی اس پرم چیتنا دا اس جانے پہچانے برہمنڈ وچّ اکلوتا سرووتم ستارا ہے جو اس دا پرکاش ہر پاسے پھیلاؤندا وی ہے، ماندا وی ہے، اتے دکھی وی ہندا ہے۔ غالب دے شعر نوں اس روشنی 'چ پڑھونگے تاں مصرعہ ثانی بخوبی سمجھ آ جاویگا: "کچھّ نہیں سی تاں خدا سی (غالب نہیں سی جو اس سنسار دے دکھ بھوگدا تے اس دی خدائی دے ترلے کڈھدا) کچھّ ناں ہندا تاں خدا تاں ہونا ہی سی (پر غالب نہیں سی ہونا: ناں ہی اس ترلے کڈھنے سی؛ منکھ بناں بھلا خدا دے کی معنے؟) غالب اپنی ہوند نوں ہی لعنت پاؤندا ہے کیونکہ اس کارن ہی اس نوں ربّ دی ہوند تے وشواس کرنا پیا،اس دے ترلے کڈھنے پئے جد کہ سچائی ایہہ ہے کہ جے اس دی ہوند ہی ناں ہندی تاں کجھ وی نہیں سی ہونا: ربّ وی نہیں۔ دھنواد!
{اپنی تھاں آ بہندا ہے}

(پنڈت جی تلملا کے اٹھدے ہن تے بن بلائے ہی منچ تے چڑھ مائیک نوں جھپٹدے ہوئے غصیلی آواز 'چ چلا کے بولدے ہن۔)

پنڈت جی
بالکل بکواس؛ نری ناستکتا۔ ایڈا بکواس! 

(سردار بلونت سنگھ اپنی کرسی توں کھڑے ہو کے بلند
آواز 'چ اتر دندے ہن)

سردار بلونت سنگھ :
اس طرحاں اچی بول کے اتے بے ہودہ بھاشا ورتکے تسیں سچ دی ترکشیل آواز نوں نہیں دبا سکدے۔ دلیل دا جواب دلیل نال دیو؛ گرنتھ 'کوٹ' کرو؛ اوتاراں اتے بھگواناں دے ترک دا پریوگ کرو تے اپنی گلّ منواؤ نہیں تاں چپّ رہو۔

پنڈت جی :
توں کون ہندے مینوں چپّ کرواؤن والا؟ پچھلی مار بھلّ گیا؟


سردار :
سچ نوں اجیہی مار جاں مرڈر دا کدے وی کوئی ڈر، بھے نہیں
رہیا۔ سچ نوں ڈران والا اجے کوئی پیدا نہیں ہویا۔

(سوآمی جی پنڈت توں مائیک کھوہندے ہن اتے اوہناں نوں اوہناں دی
کرسی تکّ لے کے جاندے ہن۔ عطرے صآحب سردار جی نوں بغل
'چ لے اوہناں دی سیٹ تے بٹھاؤندے ہن۔ سبھا شور شرابے 'چ است واست ہو جاندی ہے۔)

-پردہ-


(سوتردھار منچ سمبھالدا ہے اتے کسے مہان شاستریا سنگیتکار دی نقل وچّ مہاں کوی پروفیسر موہن سنگھ ہوراں دیاں مشہور پنگتیاں دا گائن کردا لنگھ جاندا ہے۔)

سوتردھار :
ربّ اک گنجھل دار بجھارت، ربّ اک گورکھ دھندا
کھولن لگیاں پیچ ایسدے، کافر ہو جائے بندہ
کافر ہونوں ڈر کے جیویں، کھوجوں مول نہ کھنجھیں
اک لائی لگ مومن کولوں کھوجی کافر چنگا
(الاپ کردا بیک-سٹیج جاندا ہے۔ سین بدلدا ہے۔ سرو- دھرم سمیلن سبھا دے کجھ میمبر پنڈت موہن لال جی دے گھر لنچ تے آمنترت ہن۔ وگیانی عطرے، سوآمی جی، سردار بلونت سنگھ، عزیز عالم صآحب، اتے پروفیسر مکھرجی دی غیر حاضری پرتکھّ دسدی ہے۔ ماحول بوجھل جاپدا ہے؛ گمبھیرتا حاضرین دے چہریاں تے موٹے اکھراں 'چ لکھی نظر آؤندی ہے۔ کھانا پروسے جان 'چ ہالی کجھ دیر باقی ہے؛ پنڈت موہن لال حاضرین نوں مخاطب ہندے ہن۔)




سین: 6


پنڈت موہن لال :
مترو، پانی تاں سر توں دی ٹپّ چلئ۔ جے اسیں ہن گمبھیر نہ ہوئے تاں پھر کد ہوواں گے؟

مولانا کاظمی :
اب تو کفر منہ چڑھ کے بول رہا ہے۔ اگر اس کو اب لگام ناں دی گئی تو اﷲ ہی حافظ ہے۔

گِ. گرمکھ سنگھ : ٹھیک ہے ناستکتا دی زبان تاں بند ہی کرنی پینی ہے۔ پر کویں؟ بلی دے گل گھنٹی کون بنھے؟

فادر ڈِی سلوا :
گلّ تاں تہاڈی جائز ہے پر سانوں یاد رہے کہ اسیں مڈل ایج وچّ نہیں جی رہے؛ 
ایہہ اکیویں صدی ہے۔ اج کسے جون آوَ آرک نوں سٹیک تے بنھ کے نہیں ساڑیا جا سکدا، نہ ہی کسے منصور جاں ایسے نوں سولی جاں پھر کروس تے ہی چاڑھیا جا سکدا ہے۔ 

مولانا کاظمی :
پر مارٹن لوتھر کنگ اتے گاندھی وانگ گولی دا نشانہ تاں بنایا ہی جا سکدا ہے۔ کیوں؟

فادر ڈِی سلوا:
ٹھیک ہے پھر مار دیو گولی؛ آؤن والیاں نسلاں اوہنوں شہید کہہ کے پوجا کرن گیاں۔ بالکل اویں جویں گاندھی اتے مارٹن لوتھر کنگ نوں پوجیا جاندا ہے۔ لا دیو کافر تے شہادت دی مہر؛ کر دیو کفر نوں امر۔

پنڈت موہن لال : 
واہ جی واہ! ایہہ تسیں کیہ کہہ چھڈیا؟ اک ناستک نوں خدائی ہستیاں نال میل چھڈیا! اوہ کافر سینٹ زون، منصور اتے عیسیٰ دے ساہمنے کی چیز ہے؟

فادر ڈِی سلوا : 
پر ایہہ ناں بھلو کہ ایہناں خدائی ہستیاں نوں وی پہلاں کافر ہی کیہا گیا سی۔ کدھرے اجیہا ناں ہووے کہ اج دا کفر کل دا سچ ہو نبڑے۔ اجیہا ہویا تے اسیں وی بھوکھ 'چ خدا دے ناں تے قتل کرن والے ظالم ہی اکھواواں گے۔

مولانا کاظمی :
تو کیا؟ گر بدنام ہئے تو کیا نام ناں ہوگا ؟

پنڈت موہن لال : 
پھر تسیں کی کہندے ہو؟ کی سجھاء ہے تہاڈا؟ ناستکتا اتے کفر دے پرچار نوں کویں ٹھلیا جاوے؟ اپنیاں اپنیاں پارٹیاں دے ووٹ-بینک کویں سرکھات اتے ستھاپت رکھے جان؟ کتے ایسا نہ ہووے کہ ساڈے سیاسی آقاواں دے دربار 'چ اسیں دو کوڈی دے ہو کے رہِ جائیے!

فادر ڈِی سلوا :
مینوں سمجھ نہیں آؤندی کہ اس دی لوڑ ہی کیہ ہے؟ اج دی دنیا وچ ہر تھاں لکھن، بولن دی پوری آزادی ہے۔ ہر کسے نوں اپنے وچاراں دے پرچار، پرسار دا حق حاصل ہے۔ اس حق دے ورودھ بولنا مانوی ادھیکار-کھیتر 'چ دخل اندازی توں سوا کجھ وی نہیں۔ میرا وچار ہے کہ کافر نوں کافر رہن دئیے؛ ناستک نوں اسدی ناستکتا نال کھیڈن دئیے۔ آپاں ربّ دے بندے چپّ چاپ اپنا کم جاری رکھیئے۔ سچ اک دن سچ ہو ہی نبڑنا ہے۔ اس وچّ شکّ دی کوئی گنجائش نہیں۔ سیاسی آقاواں توں بھلا اسیں دھرم پرچارکاں نے کی لینا ہے؟ اسیں خدا دے بندے اپنے دائرے وچّ ہی رہیئے تاں چنگا ہووےگا۔

گِ:گرمکھ سنگھ: 
پنڈت جی ہن کرپا کرو اس بحث نوں ایتھے ہی سماپت کرو تے کھانا لگواؤ۔

(مولانا کاظمی صاحبّ پنڈت موہن لال نوں اکھ دا اشارہ کردے ہن۔ کھانا پروسیا جاندا ہے؛ سارے میز دوآلے کرسیاں ملدے ہن۔ عجیب جہی خاموشی چگردے چھا جاندی ہے؛ ماحول اتیئنت بوجھل ہو جاندا ہے۔ پھادر ڈسلوا جلدی جلدی کھانا نپٹا اٹھ کھلوندے ہن اتے کسے رجھیویں دے پجّ وداع منگدے ہوئے نکل کھلوندے ہن۔)

فادر ڈی سلوا: 
چنگا پھیر پنڈت جی، سوادشٹ لنچ لئی دھنواد۔ ہن اجازت دیو؛ میں اک بڑا ضروری کم نپٹانا ہے-اوہ وی اج دی تاریخ وچّ۔

(سارے اٹھ کھلوندے ہن تے واری واری ہتھ ملاکے فادر نوں الوداع آکھدے ہن تے ڈرائنگ روم وچّ آ آسن جماؤندے ہن۔)

مولانا کاظمی :
پنڈت جی آپ بلا کے بھولے ہو جو عیسائیؤں سے امید رکھتے ہو کہ وہ مذہبی معاملات میں آپ سے اتفاق کرینگے۔ ارے بھائی یہ کیوں بھولتے ہو کہ یہ تو شروع سے ہی اسلام اور باقی سبھ مزاہب کے خلاف برسرِ پیکار رہے ہیں۔ غریب مسلمانوں اور ہندوؤں کو آزادی اور پیسے کا لالچ دے کر عیسائی بنانا ان کا پیشہ رہا ہے۔ پھر بھلا کفر کے خلاف آپنی لڑائی میں ان سے کیا توقع رکھی جا سکتی ہے؟

پنڈت موہن لال : 
گلّ تاں تسیں ٹھیک کہی ہے مولانا صاحب۔ ہن تاں جو کرنی سانوں ہی کرنا پینے۔ کیوں گیانی جی، تہاڈا کی خیال ہے؟ دیون گے ساتھ؟

گِ: گرمکھ سنگھ : 
اندر کھاتے تہاڈے نال ہاں جی پرنتو ظاہرہ طور تے نرپکھّ ہی رہنا پویگا نہیں تاں گورو توں بے مکھ ہون دا دوش برداشت کرنا پویگا جس کارن پنتھ 'چوں چھیکیا وی جا سکدا ہے۔ تسیں سمجھدے ہوں ناں میری گلّ؟ پردے پچھوں جو سہائتا چاہوں دیوانگا۔ ساڈی پارٹی دا وی اندر کھاتے ایہو سٹینڈ رہے گا؛ ووٹ-بینک اسیں وی تاں قائم رکھنے ہن۔

مولانا کاظمی:
تے پھر آؤ ملاؤ ہتھ۔

-پردہ-




سین-7


سوتردھار عجیب سوگوار صورتَ بنائیں منچ تے پرویش کردا ہے؛ اکھاں سجّ کے لال ہوئیاں ہن؛ گھگھی بجھی ہوئی ہے اتے منہ 'چوں شبد مشکل نال ہی نکلدے ہن۔ ڈگدا ڈھہندا درشکاں دے روبرو ہندا ہے اتے رون ہاکی آواز 'چ سمبودھت ہندا ہے

سوتر دھار :
آہ، او میرے دیش واسیو رام، رحیم، اﷲ دے جائیو!
بھلے سکھیا گرو نانک دی "اول اﷲ نور اپائیو" 
مندر، مسجد، تسبیح، مالا، پہن مکھوٹے بھیکھ بنائیو
مٹھڑے بولے، سندر مکھڑے، راکھے دھرم، ایمان کہائیو
چھریاں بغلیں لے کے پھردے، ہری نام پر جیبھ دھرائیو 
ناگ وشیلے اندر پالے، نام خدا دے قہر مچائیو 
قاتل وی مقتول وی آپے، نسل-خور درند کہائیو
ہائے او میرے دیش واسیؤ-----------------------!
(سوتردھار روندا کرلاندا منچ توں باہر جاندا ہے۔ سوآمی آنند مورتی، سردار بلونت سنگھ، فادر ڈِی سلوا، وگیانی عطرے، پروفیسر مکرجی، اتے عزیز عالم صاحب منچ تے پرویش کردے ہن اتے آپن اپنے ستھان گرہن کردے ہن۔ سرو دھرم سمیلن سبھا دی ایہہ بیٹھک اونی پونی ہی جاپدی ہے۔ درشکاں 'چ وی پہلاں ورگی بھیڑ نہیں ہے۔ اگلیاں سیٹاں تقریباً خالی ہن۔ بسّ کجھ گنےچنے عامَ لوک ہی پچھلیاں کرسیاں ملی بیٹھے ہن۔ سوامی جی سبھ نوں سنبودھت ہندے ھن:-

سوامی آنند مورتی :
سنمانت سبھا-سدو اج دی بیٹھک 'چ جی آیاں نوں! چلدے وشے تے اج دی بحث بڑی ہی رمانچک اتے لاہے وند ہون دی آس سی پر ساڈے کجھ مان یوگ ساتھیاں دی اکارن غیر حاضری کارن ایہہ سنبھوَ ہندا نہیں جاپدا۔ جے آپ سبھ ٹھیک سمجھو تاں اج دی ایہہ بیٹھک ملتوی کیتی جا سکدی ہے۔

فادر ڈِی سلوا : 
نہیں جی، بالکل نہیں۔ اوہ سارے جان بجھّ کے نہیں آئے۔ ایہہ تاں اوہناں دا پروٹیسٹ درج کرواؤن دا ڈھنگ ہی جاپدے۔

وگیانی عطرے : 
ٹھیک کہے۔ دراصل اوہ لوک صحت مند ترک 'چ وشواس ہی نہیں رکھدے۔ اوہناں نوں اڈیکن دی کوئی لوڑ وی نہیں۔

سردار بلونت سنگھ : 
بالکل صحیح؛ ترک دی تپش برداشت کرنا ہر کسے دے وسّ دا روگ نہیں۔ جو اندھوشواس پھیلا کے جنتا دا سماجک، سیاسی، اتے آرتھک شوشن کرن 'چ وشواس رکھدے ہون اوہ جان بجھّ کے ترک توں دور بھجدے نے۔ اوہناں دی سارتھ- سدھی والی نیتی دا راز وی بسّ ایہو ہے۔سانوں ایہہ بحث جاری رکھنی چاہیدی ہے؛ منکھ دا بھلا اسے وچّ ہے۔

عزیز عالم :
میں سردار صاحب کی پرزور تائید کرتا ہوں۔

سوامی جی :
تاں پھر شروع کرو؛ چلو سردار صاحب اپنی گلّ اگے ودھاؤ۔

سردار بلونت سنگھ: میرے وچار بالکل صاف ہن: مذہب یا دھرم نوں محض اک جیون-جاچ دے طور تے ہی لینا چاہیدا ہے۔ اج دے یگ وچّ اندھوشواس دا کوئی ستھان نہیں۔

پروفیسر مکھر جی :
ٹھیک ہے، پر پھر دیوی دیوتیاں اتے پوجا پاٹھ دا ایڈا مہتو کیوں؟

سردار بلونت سنگھ : 
ہندواں دے کروڑاں دیوی دیوَ دراصل بھنّ بھنّ پراکرتک اتے منکھی شکتیاں دے ہی بھنّ بھنّ روپ ہن۔ اوہناں توں پوجا- پاٹھ دوارا سمرن کر کے ور پراپت کرنا منکھ دی بڑی وڈی وگیانک اپلبھدی ہے جس دا مول سدھانت ہے ساؤنڈ افیکٹ یعنی دھنی (انہدناد) دے وشیش سنکیتاں دے نیمت پریوگ دا پربھاو۔ اکاگر چت ہو کسے امورت، کلپت شکتی دا بول کے آواہن کرن دا ارتھ ہے مول دھنی (انہدناد) نوں وشیش پربھاو والیاں ترنگاں وچّ تبدیل کرن لئی لوڑیندے شبداں 'چ ایوں ونڈنا کہ وشیش سمیں وشیش گنتی وچّ لگاتار اچارن جاں گائن لوڑیندے سگنل وایومنڈل وچّ پرسارے جو مڑ منکھ دے من نوں ترنگت کر اس نوں کسے وشیش ڈجیٹل مشین 'چ بدل لوڑیندی شکتی دا روپ بخش دین۔ منکھ اتے قدرت وچّ کوئی انتر نہیں۔ پنجاں تتاں دا ایہہ پتلا وی اوہی
'میٹر' ہے؛ اتے کلّ 'میٹر' جیونت ہے؛ چیتنا اس دے دھر اندر وسدی ہے؛ اس لئی ایہہ مننا پیندا ہے کہ منکھی من ہی کلّ شکتیاں، دیوی دیواں، اتے کلّ خداواں دا رچنہار ہے۔ 
'میٹر' دے کن کن 'چ وسدی 'چیتنا' دا پرتکھ ثبوت منکھ توں وڈا اس برہمنڈ 'چ ہالیں کدھرے نہیں ملیا؛ شاید کل کلاں نوں کدھرے مل وی جاوے۔ ایپر اودوں تکّ منکھ ہی اوہ ربّ ہے جو نراکار دا اپنا آکار ہے۔

عزیز عالم :
واہ، صآحبّ واہ! کیا بات کہی ہے!

پروفیسر مکھر جی :
اس hypotheses نوں تاں مننا ہی پیناے۔

وگیانی عطرے :
ایہہ پرکلپنا ضرور ہے پر نرادھار نہیں۔ ہن تکّ دے اپلبھد تتھاں تے آدھارت ہے۔ سردار صاحب سچ کہندے نے کہ بندہ ہی ربّ ہے، جاں پھر ایوں کہو کہ جے کوئی ربّ ہے تاں اوہ خود نوں بندے دے مادھئم دوارا ہی پرگٹاؤندا ہے۔

سردار بلونت سنگھ : 
نکّ بھاویں سدھے ہتھ نال پھڑو جاں پھر پٹھے نال، گلّ تاں اوہی
ہے۔ کیوں سوآمی جی، ہے ناں؟
سوامی جی :
سردار صاحب گلّ تاں تہاڈی ٹھیک ہے؛ منن نوں وی جی کردا ہے؛ اندر میرا سہمت وی لگدا ہے، پر----ڈر وی بڑا لگدا ہے؛ عجیب جہی ویئکلتا ہے؛ پتہ نہیں لگدا کی کریئے، کدھر نوں جائیے؟ ہر یگ 'چ سچ نوں سولی ہی ملی ہے؛ جھوٹھ اج وی بلی ہے اتے ہمیشہ ہی رہا ہے۔ ایہہ گولی ڈاڈھی کوڑی ہے؛ گڑ لپیٹ ہی کھانی پینی ہے نہیں تاں 12 بور جاں پھر کسے وی ہور بور دی نال ہی گزرنا پؤُ۔

پروفیسر مکھر جی :
شبھ شبھ بولو سوآمی جی؛ ربّ خیر کرے!

عزیز عالم :
ہاں جی ہاں پروفیسر صاحبہ، اﷲ خیر کر!

سردار بلونت سنگھ : 
نہیں جی نہیں اﷲ بھلا کیوں تکلیف کرے؟ بندہ خیر کرے!
ہاں، ہاں، بندہ خیر کرے!
اک درشک چیکدا ہے:-
بندے دی کی اوقات اوئے پٹھے والاں والیا کافرا!- سکھیں سکھیں گھر چلا جاہ کتے ہور ناں--------


(اس دے نال ہی درشکاں 'چ اپھراتپھری مچّ جاندی ہے اتے سبھا نوں اچانک ورام لا سبھا-سدا کاہلی کاہلی گھراں نوں بھجّ کھلوندے ہن۔ سردار بلونت سنگھ بڑے ٹھرمے نال اٹھدا ہے تے بڑے آتم-وشواس نال آہستہ آہستہ حالَ چوں باہر نکل جاندا ہے)


-پردہ-



سین-8


سورج ڈبّ رہا ہے؛ منچ ویران پیا ہے؛ عجیب رہسمئی اداسی ماحول 
'چ چھائی ہوئی ہے؛ سناٹا ایناں سنگھنا ہے کہ کندھوئی نال ترپیا جا سکدا ہے؛
منچ دے این وچکار اک ادھ-سڑی لاش پئی ہے؛ سوتردھار نیم-بے ہوشی دی حالت وچّ منہ نوچدا، سر کھونہدا، دہتھڑاں ماردا، پرویش کردا ہے، تے پاگلاں وانگ لاش دوآلے بھنگڑا پاؤندا، دردیلی آواز 'چ کیرنے پاؤندا ہے :-

سوتردھار :
سچ نوں پھانسی ہو گئی یارو، نچو، کدو، موج مناؤ منصور نوں سولی مل گئی یارو،بھنگڑے پاؤ ڈھولے گاؤ کراہیا کافر سڑھی پیا ہے، مارو وٹے، مٹی پاؤ سناٹا ہن کیوں اینا سنگھنا! شور مچاؤ، کیرنے پاؤ


کیہدا لہو ایہہ، تخم ہے کیہدا؟ دوویں رام رحیم بلاؤ تھانے جاؤ،رپٹ لکھاؤ، تفتیش کراؤ، لاش وکھاؤ قتل ہو گیا مانوتا دا، ہن تے مناں 'چ ربّ جگاؤ! رباں والؤِ کافر مویا، ربّ مر گیا،قہر ہوگیا

چندر،روی گئے گرہنے، مکا چانن، نھیر ہو گیا
پٹو چھاتی، کرنے پاؤ، ڈھولے گاؤ، خیرات ونڈاؤ
نکے وڈے،ہین کمینے، نچدے آؤ، پٹدے آؤ، دفّ وجاؤ
انھے گھوڑے دا دان ہو لوکو! اج تے ساڈی جھولی پاؤ----
انھے گھوڑے دا دان ہو----لوکا-----ہو----------!
(پرستھان)



سین-9


سوآمی آنند مورتی، وگیانی اترے، پروفیسر مکرجی، فادر ڈِی سلوا عزیز عالم صاحب شمشان 'چ اک مڑھی تے دیوا بالن دی رسم ادا کر، پرارتھنا کر رہے ہن۔ کجھ کاریگر مڑھی تے سنگ مرمر دا کتبہ نصب کر رہے ہن، جس تے ہیٹھ لکھی عبارت موٹے سیاح اکھراں 'چ خودی ہے:-
ہر بندہ اک بلدا دیوا، تل دریاوے تردا دیوا
نھیر-خلاء دا اپنا اپنا، ہسم پیا رشناوے دیوا
جڈی لوء اوڈا قد اوہدا، رشماں اندر ہی جگّ اوہدا 
دھند مٹے عر نھیر پلوئے، جیوں جیوں نور پھیلاوے دیوا
من دی بتی تیل تنے دا، روح نوں ربّ بناوے دیوا
اندر باہر روشن جناں، اوڈا ای ربّ کہاوے دیوا
نراکار نوں تن بخشدا، نجّ دا بودھ کراوے دیوا
اچے نیویں، نکے وڈے ربّ نے سارے، بندیوں ربّ بناوے دیوا


سردار بلونت سنگھ : 12-10-1948، 13-10-2010


سماپت

اک منصور ہور 

ہردل باغ سنگھ گلّ