" ਮੈਂ "
ਤੂੰਹੀਓ ਮੈਂਡਾ ਸ਼ਕਰ-ਗੰਜ, ਤੂੰਹੀਓ ਮੁਰਸ਼ਦ ਪੀਰ
ਤੂੰਹੀਓ ਹੈਂ ਰੰਝੇਟੜਾ, ਤੂੰਹੀਓ ਮੈਂਡੀ ਹੀਰ
ਸੱਸੀ, ਸੋਹਣੀ, ਸਾਹਿਬਾਂ, " ਮੈਂ " ਮੀਰਾਂ ਦਿਲਗੀਰ
ਲਬਾਲਬ ਇਸ਼ਕ ਪਿਆਲੜਾ, ਇਹ ਜ਼ਹਿਰ ਵੀ ਸ਼ੀਰੋ ਸ਼ੀਰ
" ਮੈਂ " ਬੁੱਲ੍ਹਾ, ਬਾਹੂ, ਮਿਰਜ਼ੜਾ, ਨੱਚਾਂ, ਹੂਕਾਂ, ਮਾਰਾਂ ਤੀਰ
"ਮੈਂ " ਮੁਰੀਦ ਨਵੇਲੜਾ, ਆਪੂੰ ਮੁਰਸ਼ਦ, ਆਪੂੰ ਪੀਰ
" ਮੈਂ " ਹੀ ਮਰਦ ਅਗੰਮੜਾ, ਆਪੂੰ ਗੁਰ ਪੀਰ
" ਮੈਂ " ਵਿੱਚ ਮੈਂਡੀ ਕੁੱਝ ਨਹੀਂ, "ਤੂੰ " ਵਿੱਚ ਮੈਂਡਾ ਸੀਰ
" ਮੈਂ " ਜੇ ਮੈਂਡੀ ਸਿਫ਼ਰ ਹੈ, ਤਾਂ "ਤੂੰ " ਵਿਚ ਕਿਹੜਾ ਤੱਤ?
ਇਹ ਲੱਬਾਦੇ ਲਾਹ ਪਰ੍ਹਾਂ, ਇੱਕ ਵਿੱਚ ਹੋਈਏ ਰੱਤ
ਚੌਂਹ ਕੂੰਟੀਂ ਜੇ ਭਾਲੀਏ, "ਮੈਂ" ਨੂੰ ਲੱਭੂ "ਮੈਂ"
"ਮੈਂ" ਹੀ ਪਰਮ ਮਨੁੱਖ਼ ਹੈ, ਅਵਤਾਰ, ਪੈਗੰਬਰ, ਰੱਬ;
ਆ eh ਅੱਖ਼ਰ ਰੰਗੀਏ, ਧੋਈਏ ਸਾਰੇ ਡੱਬ!
No comments:
Post a Comment